港府於六年前推出「人人暢道通行」計劃，為全港各區符合條件嘅行人天橋、高架行人路及行人隧道加建無障礙設施，以便利市民上落。政務司司長尋日喺網誌自爆，計劃推行至今，二百五十個遍布各區嘅加建無障礙通道設施項目中，只有九十四個完成，佔整體不足四成，其中有逾兩成項目一直未動工添！本港人口日漸老化，興建無障礙通道對長者好重要，偏偏政府歎慢板，真係抵鬧！
