中環出更：鍾國斌：有啲局長做死 有啲得閒死
近日政府「立立亂」，先有沙中線涉造假，又有港珠澳大橋開通後又再激化中港矛盾，致有聲音要求政府重組架構。立法會紡織及製衣界議員鍾國斌尋日出席一個論壇時指，目前政府架構不公，例如環境局只負責一個範疇工作，商務及經濟局則涉九個範疇，批評「有啲局長做死，有啲就得閒死」，認同需要進行重組。
當局被指欲組政府黨作主導
至於有傳政府有意換局長，鍾則稱空穴來風，未必無因。立法會議員胡志偉就話，特首林鄭月娥給予人「好打得」嘅形象，質疑係其對下屬不信任，才令外界感覺部分官員工作能力較差，認為當局有意組成「政府黨」，主導政策討論聲音。但係如果林鄭繼續一貫「一把抓」作風，換人與否亦於事無補。
香港嶺南大學政治學系系主任李彭廣就認為，一個管治團隊需要考慮未來施政方針，官員間有否化學作用，如當初組隊時已有共識換人，今天只係按劇本進行。
他續稱，根據《基本法》，特首只有提名權，中央才有任命權，認為中央未必想所有官員清一色為特首屬意之人，造成結構性問題。
卓妮