早前超強颱風「山竹」襲港，對本港造成嚴重破壞，交通大癱瘓，就算風球已除下，但係大量打工仔未能按時返工，因而遭扣減薪金或假期。立法會議員尋日喺大會上質詢政府會否立法保障僱員，勞工及福利局局長羅致光就斷言，一刀切規管惡劣天氣下嘅工作安排，唔係切實可行，拒絕就災後停工立法。咁又係嘅，高官們出入有公務車代步，唔知冇車搭又被扣人工係咩滋味，又點會搵嘢嚟搞呢？
