中環出更：香港回歸25年？ 蕭世和三日兩甩轆
香港傳媒高層訪京團團長、星島報業集團行政總裁蕭世和短短三日內第二度甩轆！訪京團尋日下午到訪港澳辦，擔任團長嘅蕭世和會後向傳媒轉述內容，期間竟然自揭連香港回歸幾多年都講錯，兩度講成香港回歸二十五年，其中蕭世和首次講錯無作出更正。
有人提醒先識更正
第二次於有人提醒之下，先更正為香港回歸二十一年，蕭世和身為團長連香港回歸咗幾多年呢個基本資料都搞錯，認真失禮。
其實今次已經唔係蕭世和首次「出事」，訪京團喺本周二會見中宣部部長黃坤明後，引述黃喺會上希望香港媒體不要成為干擾內地政治基地一句，引起軒然大波，顯然有人不當地轉達咗官員言論，「唔應該講照講」，蕭世和擔任團長做到甩甩漏漏，實在貽笑大方。
卓妮