政情:公民講場:三隧分流 陳帆:加價如關水閘 隨時山洪暴發

施政報告提出三隧分流嘅方案,希望可以減少紅隧同東隧嘅擠塞情況,政府仲斬釘截鐵話呢個方案冇修訂空間,即係一係硬食,一係唔要。運輸及房屋局局長陳帆尋日喺電台節目解畫,話七成半過海交通由私家車、的士同電單車構成,若提高出行交通工具嘅過海隧道費,就可以好似關水閘減少水量一樣,減少交通流量喎。老實講,加價根本減唔到車流,事關要行嗰條隧道嘅就要行,點會特登兜到冇雷公咁遠嘅西隧,理得加唔加價,所以關水閘隨時變山洪暴發,更加塞爆,陳帆係扮唔知定出口術呀?

第一手消息請下載on.cc東網iPhone/iPad/Android/Windows Phone Apps