政情：公民講場：羅智光霸靚地唔放懶理住屋苦況

政府對市民住屋問題苦無對策，現時仲諗住用填海方法將市民有幾遠搬幾遠，但政府自己就霸住市區靚地唔放。好似新一份施政報告就公布選定喺觀塘港鐵站一幅政府用地起公務員學院，對於點解唔將呢幅交通配套完善嘅地皮用作建屋，公務員事務局局長羅智光就話，公務員培訓多為一日或半日課程，交通好重要，認為選址係最適合。如佢所言，公務員培訓課程都只係一日半日，即使真係要舟車勞頓亦非長期，但若留作建屋就可惠及市民，令市民有個交通方便嘅安樂窩，只可惜呢個政府冇靈魂，不知民間疾苦。