原本話因為工作量太重，政府有意分拆運輸及房屋局，點知依家又話涉及嘅範疇緊密相連，就連分拆嘅時間表都冇。唔拆局，咁開局又點呢？立法會體文界議員馬逢國尋日就喺答問大會，問特首究竟幾時開文化局？喺今屆政府任期內可唔可以開到？得到嘅回覆係唔可以承諾到。嘩！簡直係食咗個大檸檬，仲要食足五年呀！馬逢國事後喺社交網站貼文都話對呢件事好遺憾。喺依家咁嘅政治局勢，政府嘅諗法係多一事不如少一事，睇怕佢要無了期咁等嘞！
