政情：禁前喪扯岑敖暉煲電子煙似道友

施政報告宣布全面禁止「電子煙」，包括「加熱煙」等其他新型吸煙產品亦包括在內。現時係立法會議員助理嘅學聯前副秘書長岑敖暉，尋日就喺立法會門外扯煙，睇真啲，佢手上拎住嘅就係加熱煙，莫非係想趁全面禁煙前扯盡佢？

尋日天氣轉涼，只見身穿長袖衫嘅岑敖暉，喺立法會外嘅煲煙位，以「中國蹲」式踎低，膊頭亦縮埋，左手拎住手機睇，右手就拎住支白色加熱煙係咁扯，狀似「道友」，忘我到被人影咗相都完全唔察覺。