山竹襲港後，逾萬棵樹被摧毀，發展局就話未來會種植更多原生品種，提升防風能力，局長黃偉綸尋日仲透露，局方年底將推出「街道種樹指南」，選取包括本土同外來等八十個適合香港種植嘅樹種，指南內亦會收錄因地制宜嘅種植方法添！老實講，有樹木專家早前批評政府墨守成規，種到滿城弱樹，依家黃偉綸都只係補鑊啫，之但係啲新樹種有幾防風，係咪經得起考驗？日後要有實證先得，佢求神拜佛唔好又搞到冧樹，否則必定畀市民鬧爆呀！
