政情：災後駕駛變障礙賽 馬仁威：四驅車最啱用

Kevin話，今次打風後通街都係樹木殘枝及落葉，佢日日開車出門都要行經泥路、爛路，真係寸步難行。以前佢唔鍾意開四驅車，因為車速慢、耗油量大，兼且因車身高而容易搖晃，所以冇買過，但係經歷今次颱風後，佢就嗱嗱聲訂咗一架轎車及越野車性能兼備的四驅休旅車代步。

清理家園搞到腰痠背痛

講開今次颱風善後工作，都幾頭痕。Kevin喺八號風球除下後，都即刻加入清理家園行列，有鄰居錄低影片傳畀佢，佢放上社交網站後，連平時少互動嘅朋友都按讚。不過佢勞動咗幾小時就腰痠背痛得好緊要，要喺屋企休息幾日先回復元氣喎。