市民失信心：遲啲又搬個新數字出嚟

本報記者昨日在會展站工地現場直擊，多名工人返回各個地盤準備工作，早上未有特別動作。直至下午，就有多部大型吊臂車將建築材料及工字鐵和鋼筋運抵，工人就在地盤內各處鑽井繼續挖掘。

海軍商場地面裂縫明顯

至於懷疑受到沉降影響的海軍商場，昨日多間商店照常營業，但地面有明顯長達數米的裂縫，並放置「小心地滑」提示牌，各商戶亦不再多說沉降的影響。

市民麥先生於灣仔區一帶上班，得知會展站地盤昨日復工，直斥港府做法有問題，指標任其操控，懷疑安全是否已經改善。他直言接受不到港府現時做法，「你一定要同市民交代啦，數字相差咁遠，放寬到九十幾；遲啲再沉超過九十幾，咪又搬個新的數字出嚟，都唔知信唔信喇？我就唔係好信！」

疑為免完工無期「亂嚟」

麥又指港鐵亂將標準調整，是擔心工程無了期，「一定係亂咁嚟，香港政府一向係咁。」麥先生指，地盤安全問題的確成疑，但身為打工仔沒有方法避免，只好希望地盤能保持安全。

市民李先生亦認為港府更改標準離譜，一直未做好管理檢測，「就係做唔到就搬龍門」。認為港府盼盡快完工卻不理安全，對市民不負責任，「總之佢想做到，咪會改規則囉。無事發生就無事，有事發生咪先識擔心，呢個政府係咁」，「我們無得話事，好無力感，只希望佢唔好出事。」