政情：公民講場：山竹癱交通 打工仔發通緝令 羅致光蒲頭即推莊

山竹襲港後交通癱瘓，運輸及房屋局局長陳帆一直潛水，其實連勞工及福利局局長羅致光都玩失蹤。喺全港打工仔因打風過後而冇交通工具，搞到返工遲晒大到，畀老闆扣人工，但羅致光一直冇蒲頭為勞工權益出句聲，好多工會都鬧爆佢點做局長，而喺公開發出通緝令後，佢卒之喺尋日傍晚先蒲頭，竟然話由於每個行業同工種的情況唔同，因此政府未必能夠一刀切定出喺惡劣天氣下停工嘅法例。咁講，擺明係唔想做喇，打工仔靠政府真係死得。