今日，物業管理主管安哥和急救員全仔一同進行每周例行急救器材檢查，安哥說：「全仔你上個月已考取AED（自動外置式心臟去纖顫器）證書，仲記唔記得點用？」
全仔：「記得，遇到有突發性心臟病患者不省人事，經檢查及確認患者無呼吸及脈搏時，在自身安全環境下應找途人協助報警，同時盡快替患者進行CPR心肺復甦法，並盡早配合使用AED。我記得導師講過，心臟驟停前最常出現心室撲動，如沒有適切治療，心室撲動很快會變成心室纖顫性顫動，兩者都係唔能夠有效地泵送血液到身體各組織。呢個時候進行心肺復甦法，患者存活率只有約百分之二至八，但盡早使用AED配合，存活率可提高至百分之八十九，當然，亦需把患者盡早送院接受治療及護理。」
安哥：「你講嘅係生存鏈概念，叻仔有聽書。AED係透過發放大量電流經過心臟，中止心臟所有不規則不協調活動，讓心臟重新正常化。實際應用你又識唔識？」
全仔：「遇到求助時應盡快攞AED到現場，而AED應由具有急救知識並曾受訓人士按供應商指引操作，平日亦應為儀器進行定期檢查，如發現儀器損壞或無電，應聯絡供應商進行維修或更換。」
安哥：「仲有，唔應該將AED鎖上，最好在存放AED位置標示急救員資料以便查閱，咁樣有助盡早為患者提供緊急處理，同時要有定期操練或演習，等大家都熟習使用器材都很重要。」全仔：「收到。」
職業安全健康局
www.oshc.org.hk