庇護中心床墊疑瞓兩晚就丟 網民轟「政府帶頭做大嘥鬼」
【本報訊】山竹過後，港府在鯉魚門庇護中心的物資，被發現用完一次就掉去垃圾堆，網民鬧爆港府：「仲嫌出面未夠多廢物嗎？」觀塘民政事務處解釋，大部分居民入住庇護中心時渾身濕透，部分床墊更發現血漬，基於個人衞生，經使用的毛氈及床墊不能重用，部門已與多間志願機構接觸，考慮到清洗及存放數以百計的毛氈極為困難，未有機構願意接收。
民政處：基於衞生不能重用
該處表示，鯉魚門體育館在九月十五至十七日開放作臨時庇護中心，期間超過三百五十名居民入住。民政處已將剩下十餘塊未使用的床墊儲存，留待日後開放臨時庇護中心時再使用。
有網民今日在垃圾站發現物資被棄，拍照放上Facebook稱：「全部都只係瞓咗一兩晚就掉，難道搵團體幫忙接收再分發畀人都做唔到？因為清潔費都好貴嗎？其實做多步，問問瞓過嘅用者會唔會有需要拎返家替代已浸濕的床墊都可以，搵關注露宿者嘅團體要唔要都可以，派畀基層市民都可以。偏偏就選擇了最方便又快捷嘅方法，掉去堆填。」而其他網民也紛紛表示：「政府帶頭做大嘥鬼，賣幾多廣告都無用。」「正苦（政府）整天講環保，真是講一套做一套。」「大把有需要嘅人可以畀，有啲仲未拆袋，太浪費了」。