超強颱風「山竹」即將殺到香港，政府各部門召開跨部門會議，嚴陣以待，希望減低颱風對本港嘅影響。但政府要採取乜嘢行動，都係要靠負責預測天氣嘅天文台，不過天文台台長岑智明早幾日就去咗南寧參加中國東盟氣象合作論壇。喺面對超強颱風呢個緊要關頭，天文台又點可以群龍無首？所以岑都要提早回港，兼且喺社交網站公告天下，話自己「任務完成」，已由論壇提早回港應對「山竹」，今次佢真係畀個風催住返香港喇 。
