政情：袁彌昌辭任新民黨政策總裁

其實袁並非閃人，而係內部調職，調去同樣由該黨主席葉劉淑儀創立嘅匯賢智庫做政策顧問。據了解，有關調職安排喺上月底已經出現喺該黨嘅內部電郵，換言之，袁同Eunice結婚唔夠一個月就作出決定喇，究竟期間發生咗啲咩事呢？

怕招話柄 娶容海恩後調職

袁就解釋佢係自願調職，皆因新民黨政策總裁一職好多工作都同立法會千絲萬縷，為免被人批評佢公私不分，偏幫老婆Eunice，所以主動辭去職務，避免角色衝突，一心做成功女人背後嘅男人咁話。袁又話，去到智庫嘅新崗位可以更集中於研究工作，而佢未來主要研究內地發展、以及青年同教育議題，希望新工作有更大發揮咁話。