人稱「D姐」嘅公務員事務局前局長俞宗怡，自二○一二年中離開官場後鮮有露面，上次公開現身已經係三年前，參觀當年房協首個供六十歲或以上香港居民租住嘅非資助富貴長者屋。及至前日，我哋就撞到俞宗怡於一個雲集現任同前任高官嘅活動現身。現場所見，俞宗怡一身黑色裝扮，上衣嘅紫紅色花卉圖案十分搶眼，而佢過去招牌嘅黑色短髮就變咗一頭白髮，唔知同無需要再面對鏡頭有冇關呢？
（陳嘉順攝）
