政情：運動員意外癱瘓慘劇 貝鈞奇憂礙年輕人投身
擁有兩面奧運單車金牌嘅德國著名女單車手禾姬，早前於練習時發生意外受傷，導致下半身癱瘓，有關消息震驚體壇。香港足球總會副主席貝鈞奇認為，事件肯定會減低家長支持子女投身運動行業，聽落令運動員行列嘅前景雪上加霜喎。
恐嚇怕家長減支持度
貝鈞奇話，禾姬受傷嘅事件肯定會嚇倒家長，但佢同時認為，家長都明白事理，好似香港體操運動員石偉雄，都要有家長支持，先可以十幾歲就離鄉別井接受訓練，才有成功衞冕亞運金牌嘅成績。
貝鈞奇仲話，萬一不幸有運動員受傷殘廢，目前會有金錢補償，而運動員嘅精神同情緒支援都不容忽視，因為運動員唔能夠再繼續體育生涯係重大打擊，所以會提供多方面嘅支援。不過意外始終難以預料，就連頂級運動員都有機會中招，所以最好都係做足安全措施。