香港樓價持續高企，政府喺六月推出好多加辣措施，包括徵收空置稅，即係對空置嘅一手私人單位徵收額外差餉，不過幾時確實執行就未有下文。房屋署署長應耀康尋日出席離島區議會會議時，被問到幾時實施嘅問題，佢就話仲要睇立法會審議法例嘅進度。查實房屋係香港市民最為關心嘅議題，就算無辦法即刻答到幾時，至少都應該畀個時間表出嚟，依家將個責任推晒畀立法會，實在太卸膊喇！
