前中文大學校長沈祖堯（前右）喺今年初卸任，但佢仍然心繫中大，前日就出席一場同中大有關嘅慈善舞台劇首演，仲同現任中大校長段崇智（前左）齊齊領唱主題曲。據知沈、段兩人唔單止開金口唱歌，亦有份喺呢套以中大為背景嘅舞台劇中粉墨登場，其他知名演員仲有中大校董會主席梁乃鵬（前中）等，不過呢套舞台劇並非單純講永不言倦呢啲勵志大路嘢，仲涉及一段愛情同幾經風浪嘅香港金融故事，唔知劇中邊個知名人士會有感情線呢？
（互聯網）
