政情：劉燕卿不續約 申訴署月薪28萬招繼任人
現任申訴專員劉燕卿嘅任期喺明年三月底屆滿，佢一早表明無意續任，港府尋日展開公開招聘，並喺報章刊登招聘廣告，月薪逾廿八萬元，合約為期五年，申請者必須要係香港永久居民，喺公共行政、專業服務或私營機構方面最少有十五年嘅高層管理經驗，今次招聘嘅截止日期係九月十四日。
劉稱為照顧家庭
劉燕卿早於今年二月表明無意續任申訴專員，希望有更多時間照顧家庭，政府表示尊重其個人決定，特首較早前已就是次招聘委任遴選委員會，由行政會議成員周松崗出任委員會主席，三名委員會成員係行會成員羅范椒芬、馬會主席葉錫安和行政署長。
資料顯示，劉燕卿出任申訴專員前喺消委會工作三十八年，至二○一二年才退任，而於兩年後，劉燕卿接替黎年出任申訴專員，任期五年，係首名非政務官出身嘅申訴專員。