中環出更：民政處甩轆植潔鈴區會持兩票？

今年六月東區區議會佳曉選區補選由植潔鈴（Elaine）勝出，成功由增選委員晉升為議員，唔經唔覺已經過咗兩個月。不過，東區區議會網頁上嘅個人利益登記冊一欄，Elaine個名就依然同時出現喺議員同增選委員名單之上，唔通佢當選之後冇退任增選委員，繼而可以喺區議會入面一人持兩票？

Elaine接受查詢時就話唔係，佢一上任就已經填咗要退任增選委員，照咁睇嚟係民政處甩轆，唔知係忘記要更新資料，定係兩個月都未搞掂喇！

按照規矩，議員係唔會同時兼任增選委員，所以Elaine當選議員後要退出增選委員，但Elaine得知區議會網頁仲未更新時，都話要了解番個情況。至於佢個增選委員由邊個嚟填補，例如係唔係由佢所屬嘅政黨民建聯或工聯會再派人頂上，Elaine就話未知，只係知道目前暫時係懸空嘅。

卓妮

中環出更：民政處甩轆 植潔鈴區會持兩票？