師兄弟曾助街坊擒竊賊
【本報訊】英勇力擒持刀怪客的兩名男街坊，分別姓黃及姓鄭，為車胎舖對面食肆的東主和職員，他們身形健碩，姓黃東主習武十多年，取得空手道黑帶五段，目前亦在區內開班授徒，與鄭為師兄弟關係。
遭疑兇指嚇 未被嚇窒
據兩師兄弟憶述，事發時他們在店內，離遠目睹疑兇在對面車胎舖不停舞刀，便趨前了解及幫忙追截。期間，疑兇在馬路中心徘徊，擬截車逃走，形容他：「覺得佢傻唔晒，沿路走嘅時候，識得用件衫遮一遮把刀，佢似『揩咗嘢』咁」。追截疑兇時，對方曾轉身指嚇他們，惟兩師兄弟未有因此被嚇窒，最後他們追上對方，鄭從後撲向並撳低疑兇，黃則與車胎舖東主分從左右兩旁夾擊，將疑兇按實。
被問及追截持刀怪客時會否擔心人身安全，兩師兄弟不諱言：「唔多唔少都有啲擔心嘅，但我哋始終人多，如果得一個人就爭啲，同埋見到佢當時把刀放咗入刀鞘，始終無咁驚。」他們又指，兩個月前附近曾發生一宗入屋爆竊案，他們亦有協助制服疑犯。兩人續稱：「其實呢區（環境治安）都唔係話好雜，只係有啲南亞人就會亂少少，尤其喺夜晚時候。」