政情：今日你上鏡：田北辰慶生 玩埋乳豬頭
近期港鐵醜聞不斷，搞到曾任九鐵主席嘅立法會議員田北辰要頻頻回應，曝光率爆晒燈。雖然佢呢期夠晒忙，但尋日仍然抽空同一班同事提早慶祝生日，連豬頭都拎埋上手玩添，睇嚟玩得好開心喇，而生日蛋糕就更加特別以立體嘅皇冠造型示人，難怪佢都大讚同事非常有心。
大呻忙到不知時日
田北辰亦借機喺Facebook呻，話呢排忙到星期幾都唔記得，直至返到去見到有蛋糕同乳豬切，先知嚟緊嘅星期日係自己生日喎。佢就話自己生日願望好簡單，不過就大賣關子，以一句「你懂的」，再配一個奸笑表情符號就冇再講喇！
（互聯網）