沙中線爆出連串醜聞，政府日前終於向港鐵開刀，要求炒咗涉及工程嘅高層人員，點知尋日又爆出土瓜灣站沉降事件，連班居民都話對港鐵嘅信心跌到負數。話時話，政府以為喺呢場風波只係搵咗港鐵祭旗，就可以平息呢場風波，但係依家醜聞繼續爆喎，正所謂紙包唔住火，無論特首點樣包庇護短都冇用，因為事件正正反映咗港鐵董事局包括運輸及房屋局局長陳帆等四名政府高官監管不力，令市民怒火沖天，全城喊打陳帆喇！
