職場健康：睡眠不足易分神 職場意外易發生

小明答：「乜話？場波凌晨兩點先開始，我一早已休息，你咁夜先瞓，依家又返早班，唔攰嗎？」

小強答：「好攰，好想瞓。」

瞓前忌過飢或過飽

小明回答：「你睡眠不足呀！咁樣會減低個人免疫力，容易病，仲會影響工作表現，增加發生意外和受傷機會，尤其你喺操作機械或揸車時，好容易分神，發生意外。你要知道睡眠可增進細胞修復，等身體得到適度休息，消除一天積下來嘅疲勞感。因此，擁有良好睡眠才能擁有健康身心，使工作能力保持喺最佳狀態。」

小強：「我知，但有時實在難以入睡，瞓前要玩玩手機等睡意來臨，你有乜辦法教我容易一點瞓？」

小明回答：「上床後要馬上熄燈，唔好喺床上睇書、睇電視或玩手機，要養成有規律睡眠習慣，定時上床、起床同不可賴床，而且要減少喺白天瞓覺；每天日間做適量運動去鬆弛神經都係好方法，但要避免臨瞓前進行劇烈運動。此外，要養成睡眠衞生，營造一個舒適睡眠環境，選用合適嘅寢具同保持睡房光線暗淡、寧靜和室溫適中，記緊臨瞓前不可過飢或過飽，亦應避免飲太多水，晚餐後就唔好飲咖啡、茶或含酒精飲品，以免影響睡眠質素。你明白嗎？」

小強答：「咁我今晚開始試一試你嘅建議，瞓一覺好的！」

職業安全健康局

www.oshc.org.hk