深水埗通州街橋底「南亞村」近年淪為「罪惡城」，甚至變埋「槍械庫」，尋日仲引發一場火災。深水埗區近年成日爆出南亞兵團搶劫同埋傷人等罪案，搞到區內居民人心惶惶，唔少區議員同埋地區團體多次向政府求救，要求佢哋拆村，但係政府就將訴求當作耳邊風。相比過去政府對露宿者趕盡殺絕，依家對南亞村就視若無睹，睇嚟食物環境衞生署署長劉利群真係責無旁貸喇！
