「水貨客專巴」 行李層層疊阻落車

網民在Facebook群組「巴打絲打 Facebook Club」上載照片及留言：「點先落到車呢？」，更形容是「巴士之日常」。相片可見該架巴士被堆積如山的行李篋擋住落車門，高度差不多達成人的膊頭位置，除非移走行李篋，否則乘客根本無法落車。

網民質疑車長處理不當

貼文發表不夠一個小時，已經獲得超過三百個讚好。網民紛紛留言，指該條路線巴士一直多水貨客乘搭，他們的行李特別多而且巨型，有人則以幽默方式諷刺此現象，「其實係咪做緊槍擊案實驗？測試篋嘅安全性，睇吓防唔防彈？ 」、「使出大海無量，一嘢推晒落車！」亦有網民質疑車長為何不阻止乘客登車：「無理由畀佢哋上車啦！」、「點解個司機畀人咁放行李？係咪處理不當！」