公民講場：驗窗計劃一鑊粥 張天祥責無旁貸

屋宇署喺一二年實施「強制驗窗計劃」以來，申訴專員公署收到五十宗投訴屋宇署冇妥善執行有關計劃嘅投訴，包括屋宇署遲遲未將有關樓宇納入計劃，亦曾有大廈單位嘅窗戶喺強制驗窗後冇耐墜下，情況令人關注，所以申訴署要主動調查。話時話，當年實施強制驗窗正正因為發生好多墜窗意外，但計劃實施咗，屋宇署又甩甩漏漏，令呢啲炸彈繼續爆，危害市民嘅生命安全，署長張天祥孭硬，冇得甩身。