根據犯罪學著名嘅「破窗理論」，一個社區如果出現幾個爛窗而冇人去修理，之後就會出現縱火、搶劫、爆竊，淪為罪惡淵藪。特區政府對深水埗通州街天橋底嘅南亞村闊佬懶理，藏槍案爆完一劑又一劑，咪係「破窗理論」嘅最佳示範囉！
呢，警方前晚喺深水埗通州街天橋底「南亞村」毗鄰嘅麗閣邨進行反毒品行動，見有兩個南亞兵鬼鬼祟祟，於是埋去「𢭃」佢哋，點知兩條友走夾唔抖，仲連袋都唔要，擺明身有屎，之後果然喺佢哋個袋搜到一把懷疑手槍及兩發子彈，二人被捕後證實係假難民。講出嚟嚇親人，上個禮拜警方至喺通州街天橋底拘捕一個藏有自製霰彈槍嘅可疑男子，家陣話口未完又嚟料，長此落去，成個深水埗容乜易變到好似美國紐約哈林區咁，成為槍械大本營o架！
係人都知，南亞村烏煙瘴氣，衍生嚴重治安同衞生問題，點解眼白白睇住南亞幫落地生根，起超過二百間木板屋，食環署、路政署、地政總署、康文署、民政事務總署同埋社署六大衙門都唔敢掂唔敢郁？港府老虎屁股就話不敢摸啫，唔通南亞村後面都有外國勢力撐，所以唔敢搞？大家有眼見，南亞兵團之所以鍾意就燒黃紙、斬雞頭搞黑幫入會儀式，鍾意就將木板屋當槍械庫、毒品飯堂，當執法部門冇到，皆因六大衙門一味做騷咁做，執法好似做大龍鳳咁，夠膽死大半日淨係拆得一間木板屋咁大把，你話啦，特衰政府連咁嘅小事都管唔到，點去管大事吖！
毛伯伯就講得啱嘞：「一室之不掃，何以掃天下。」政府連個天橋底都管唔掂，旨意佢管成個香港，唔出事至奇。特別係今次喺民居一帶起出槍械，證明假難民兵團已經從南亞村「走出去」。唔係靠嚇o架，有喺南亞村打開躉嘅女乞兒，最近就喺深水埗地鐵站表演「吐血」乞毒品錢，港產官僚闊佬懶理，等到南亞幫攻陷禮賓府同門常開，睇怕林鄭派幾多五百蚊大牛都打發唔走班瘟神。
講嚟講去，一日都係港府假仁假義惹的禍，若果香港唔係遲遲唔退出國際難民公約，對假難民來者不拒，又唔搞禁閉式難民營，假難民就唔會蜂擁而至。至慘係班友只要到埗後舉手提出免遣返聲請，一張行街紙在手，做洗碗黑工又得，搞偽鈔生意又得，甚至幫黑社會賣命食大茶飯都得，唔想冒險嘅大可以街邊擺檔做流動小販，事關食環署同特區政府一樣，捉阿婆就聲大夾惡，見到南亞小販就扮盲，實食冇黐牙。
始終都係嗰句，假難民治安毒瘤積重難返，特衰政府鴕鳥上身，老虎屁股唔敢摸，南亞木屋唔敢碰，簡直係靠害七百萬香港人！