俗稱「四電一腦」嘅廢電器電子產品生產者責任計劃會喺下月一日起實施，目前已經吸引咗超過二千個銷售商登記申請免費除舊服務，但講起徵費成本會否轉嫁消費者時，環境局局長黃錦星就話香港係自由經濟體，會唔會轉嫁或轉嫁幾多會由銷售商決定。即係銷售商可以轉嫁所有成本畀消費者，咁佢哋唔使畀錢就可以零成本塑造環保形象，咁着數唔怪得局長話個計劃反應正面喇，如果問責官員嘅薪酬都可以由市場主導，咁就唔使高薪養庸官喇！
