鬼口水研裝「樹膠布」3學生獲獎
【本報訊】乜膠布都可以黐上樹？三名初中生發揮小宇宙，利用鬼口水玩具的背後原理，以十六元的材料發明了「樹膠布」，救治受真菌感染的樹木。三人還在英特爾國際科學與工程大獎賽的化學組別中勇奪三等獎，揚威海外！此比賽始辦於一九五○年，是全球最大規模的中學生科學競賽，每年於美國不同城市舉行。陳易希亦是憑這比賽進身「星之子」行列。
見塌樹致傷亡 盼用科學解決問題
葉保瑩（Chloe）、黃月亭（Yumi）、蔡培林（Queenie）就讀天水圍順德聯誼總會翁祐中學。她們自小學開始已是好朋友，眼見香港塌樹不斷，甚至有孕婦因而喪生，觸發她們加入校內科研小組，用科學解決社會問題。中一時，她們對科學的認知近乎零，如何入手？蔡培林說：「自己英文真係唔係好好，可能睇一篇文獻已經有超多生字唔識喇，咁就開住部手機慢慢查」。
黃月亭表示，自從展開研究之後，滿腦子都是樹木健康問題，「曾經有一次同媽咪行街，我突然之間停低咗，佢就問我做乜嘢啦，咁我就係咁望住棵樹，指畀佢睇受真菌感染嘅部分。」她們課餘活動，也是到郊外看樹。她們曾將研究成果發給樹木辦，獲得正面回覆，認為樹膠布有外國文獻支持。葉保瑩說：「我哋目的係推廣畀唔同嘅人去用，首先推廣畀一啲屋苑呀，然之後超級市場都有得買咁樣」。