政情：傘兵組織擅用楊岳橋議辦名義
喺地區掛上嘅橫額同海報，少不免都會留意到政黨會同地區人士聯合一齊宣傳。近日有指傘兵地區組織將軍澳民生關注組成員葉嘉榮，喺未經公民黨立法會議員楊岳橋嘅同意下，喺海報上印有「楊岳橋議員辦事處」嘅字樣，而楊嘅議辦成員喺接到管理公司嘅來信先知道有件咁嘅事。
用作申貼海報 楊指不知情
有指早前楊岳橋議員辦事處收到公屋管理公司嘅信件，指其議辦所申請嘅海報唔能夠喺屋苑內張貼，信件內附有葉嘉榮所申請嘅海報，因此楊議辦先知道有咁嘅事。楊岳橋回應查詢時話，對於有組織用佢嘅議辦名義向管理公司申請貼海報一事毫不知情，又話依家冇同嗰個組織合作。
將軍澳民生關注組回應查詢時就話以前曾為公民黨助選，亦有建立合作關係同細節，但可能因事隔一段時間而淡忘，日後喺處理申請時會更加謹慎。