改善通風設備 辦公室有「鮮」氣
篤信風水的安仔應邀到老友健仔公司作客，甫進辦公室便渾身不舒服，並說該處「風」有問題。健仔對評論大表反對，強調自己是無神論。當健仔欲陳述觀點時，安仔馬上打斷：「你稍安無躁，我唔係同你講風水，我想話你辦公室嘅通風可能有問題呀。」
健仔即問：「閂晒窗又將個冷氣開到最大仲有問題？」
安仔答：「唔係開大個冷氣就代表通風好，良好嘅通風係要抽取足夠新鮮空氣，將辦公室內空氣嘅污染物排走。」
健仔問：「咁點先知室內工作場所通風好唔好？」
安仔答：「一般工作場所可以透過量度二氧化碳濃度去決定，如果經常超過百萬分之一千，就要進一步評估。如果工作場所嘅空氣污染物暴露量超出勞工處建議嘅職業環境衞生標準，就要採取改善措拖。」
找出污染源頭 對症下藥
健仔說：「即係以後要閂晒冷氣開晒窗畀佢自然通風？」
安仔說：「依家三十幾度，我驚到時空氣好咗但又熱到你中暑，仲傷呀！其實只要搵出污染空氣源頭，改善通風設備，例如用機械通風系統加強換氣率，或者喺污染源頭進行局部抽風已經可以改善好多喇。」
健仔說：「原來係咁，睇唔出你個風水佬都會用科學方式解決問題。」
安仔說：「一命二運三風水，無咗健康到時風水都唔使睇啦！」
職業安全健康局
www.oshc.org.hk