政情:今日你上鏡:健康兼減排 莊偉茵日行萬步

注重健康嘅人通常都唔介意安步當車,而中電企業發展總裁莊偉茵(Quince,圖中)都唔例外。以前佢喺航空公司任職時經常搭長途航班四圍飛,因機艙嘅有限空間係令人咁唔舒服,於是佢落機就要搵部跑步機舒展吓,結果久而久之,佢就自我規定每日非要行上一萬步不可,若果只有四、五個巴士站嘅距離,佢寧可選擇步行,天氣較涼嘅話亦會由九龍城嘅居所行番去深水埗嘅辦公室開會。日行萬步既有益健康亦有助節能減排,於是佢藉住唱兒歌同講故事向小朋友灌輸呢種意識,期望班小朋友從小就養成注重健康同環保嘅習慣。

第一手消息請下載on.cc東網iPhone/iPad/Android/Windows Phone Apps