白川悠衣鮮嫩甜美OL

打工仔每日辛勞工作,無非都係想賺多兩個錢改善生活質素,有時仲要身兼兩職增加收入。講到做兼職,日本女仔就比較着數,因為佢哋可以利用美色搵錢,唔係話佢哋做援交或者風俗孃,而係可以學似白川悠衣咁用工餘時間做寫真女郎咋!

長身雪白

所謂一念天堂,一念地獄,一個人嘅日子過得開唔開心,其實同心態有莫大關係,所以師傅成日教我千祈唔好覺得返工辛苦,一來有好多失業人士為搵唔到工而苦惱,二來有工返代表有錢使,每個月出糧日子見到銀行戶口數字有增長都會覺得相當滿足,師傅又話當年佢每日返三份工就係因為抱持呢個心態而過得充實又開心喇!至於白川悠衣呢位日本寫真界新人亦表示雖然家陣喺辦公室工作,又要拍寫真,但係能夠一步一步咁接近人生目標,所以感到前途滿希望,而且人生夠晒精彩。

現年26歲嘅白川悠衣樣子生得俏麗又不失溫文氣息,面上流露出親切又甜美嘅笑容,睇真啲仲覺得佢有少少似曾經紅過一排嘅谷桃子。而悠衣同桃子身材同樣屬於纖巧型,不過悠衣更加高挑,5呎5吋身高配合纖幼嘅小蠻腰以及分量唔細嘅C Cup美乳,點睇都充滿曲線美,加埋雪白鮮嫩晶瑩剔透嘅肌膚,實在無辦法再挑剔喇!

憧憬波后

雖然白川悠衣最近才展開水着寫真女郎生涯,但係7年前佢憑住高挑身材及標致面孔而成為模特兒,仲參加過選美活動,例如「和服女王比賽」等。另外,悠衣拍過唔少廣告,亦演出過好多電視台綜藝節目。不過到今時今日,悠衣其實仲係以兼職性質出鏡,原因係佢一直都有份OL正職。今年悠衣豁出去換上水着拍攝性感寫真,佢話終於完成心願,事關寫真界波后岸明日香係悠衣嘅同班同學,兩人感情仲相當好添!眼見明日香喺寫真界發光發熱,令悠衣對寫真女郎工作充滿憧憬,立志要喺30歲前推出個人寫真集。

早前悠衣就推出咗寫真映像作品《Career High》,以迷人風韻以及柔軟度極高嘅肢體動作為賣點,結果銷量成績理想,更成為購物網站亞馬遜嘅寫真碟排行榜每周銷量冠軍,令出版商對悠衣充滿信心,而悠衣喺一次訪問中被問到係咪會推出個人寫真集,悠衣笑住回答話暫時保持神秘,似乎有啲暗示咁喎,相信大家好快就可以欣賞到悠衣嘅作品啦!

社交網站

簡介:白川悠衣好高興可以加入寫真界,所以喺Twitter可以見到佢經常上載拍攝性感寫真嘅花絮照片,Click入去就可以留意到悠衣最近又去咗邊度拍寫真喇。

網址:https://twitter.com/yui__shirakawa

白川悠衣 Profile

年齡:26歲

身高:5呎5吋

三圍:31C-22-32

撰文:賢