暑假來了，不少同學仔會找暑期工賺點外快，吸取工作經驗。「陳老師，我打算把握暑假機會投身職場，吸取社會經驗，可唔可以提示吓我有乜需要注意？」學生小聰說。
陳老師說：「首先要了解職安健法例嘅保障同責任。根據《職業安全及健康條例》，僱主必須遵守一般性責任，在合理可行情況下，確保僱員工作時嘅安全及健康，例如維持安全及健康工作環境、提供充足指導同訓練等。」
小聰說：「咁有乜個人安全要點可以留意？」
陳老師指出：「謹記要熟悉工作場所嘅逃生路線同緊急應變措施。若工作時受傷，不論傷勢輕重，應立即同主管呈報及妥善處理傷口。喺辦公室工作，要小心處理鋒利嘅物件，好似剪刀，亦都要正確及小心使用碎紙機，用影印機時要把頂部蓋上，避免強光刺激眼睛。」
「如果要進行體力操作呢？」小聰問。
陳老師道：「搬運前先考慮個人能力應唔應付到，搬運時，要留意附近工作環境，確保通道暢通，盡量使用機械輔助設備，例如手推車。」
「如果需要外出，記得定時飲水或者其他補充體力飲料，補充因為流汗而失去嘅水分，如感到乏力，可作適量休息，避免過度疲勞。」陳老師補充說。
小聰聽完便道：「清楚，原來暑期工都有好多事情要注意，我會小心工作及將職安健資訊話畀其他同學聽。」
「小聰，希望你嘅暑期工作可以健康又快樂。」陳老師說。
職業安全健康局
www.oshc.org.hk