中環出更：高官回應差 梁君彥：邊個答都一樣
立法會主席梁君彥日前已就今個立法年度作總結，繼自稱係議員嘅「出氣袋」同「沙包」後，尋日佢上電台節目又話做主席係「孤獨」。當被問到有議員質疑高官有時未能到立法會接受質詢、官員回答時準備不足，梁竟然話派咩官員出席會議係由政府決定，官員亦已作準備，所以，由邊個官員回答議員質詢都一樣。如果係咁，主席都係由秘書處職員同法律顧問支援，咁係咪邊個做主席都得呢？
指拉布情況有改善
立法會去年底通過修改《議事規則》，梁指「拉布」情況有所改善，又指近幾次特首答問會，議員都表現尊重及有禮貌，部分議員在質詢時提出的建議，如居屋定價與市價脫鈎及開徵空置稅等，政府已即時或即將「找數」，反映過去一年行政立法關係有改善。被問到將來如何解讀立法會全體委員會同二讀是否「同一個會議」時，佢只係話未來會繼續按《議事規則》處理，如果議員認為不清晰，可要求議事規則委員會解釋清楚，或商討是否需要修改。
卓妮