政情：邵家臻笑言入獄會寫書
臨近書展，不少政界名人均會趁機出書湊熱鬧，社會福利界立法會議員邵家臻亦不例外。熱愛寫作嘅邵自言好享受寫作嘅時間，但自從出任議員後，因太忙而冇時間寫。佔領運動案件將於今年底審議，作為被告之一嘅邵或會被判入獄，佢就話如果坐監，屆時一定會喺獄中寫作，更笑稱書名或為「Letter to Bottle（邵嘅洋名）」喎！
懷念以前寫作時間寬裕
邵家臻話，現時出任議員工作較忙，偶爾會懷念過去。記得十年前佢擔任講師時期，收工或放假時，就可以用一個下午時間寫作，試過一個暑假寫五篇論文添！
佢認為文字係有力量嘅，有時自己睇番文章，仍然覺得好滿足。今次佢推出嘅新書係收錄近年嘅文章，部分同社會政策相關，呢本書已係佢嘅第二十九本作品啦！