政情：蔡榮星鬧九巴刺客缺德
大部分港人日日都要坐公共交通工具，所以近日巴士座位上有針嘅新聞真係搞到人心惶惶！東華三院副主席蔡榮星同顧問區宇凡都有留意相關新聞，佢哋早前出席舞台劇慈善首演時，異口同聲鬧呢種損人不利己嘅行為，非常缺德咁話！
可能係小朋友惡作劇
蔡榮星覺得仲有一個可能性，就係有小朋友惡作劇，佢話自己細個都會整蠱人，但最多都係明明某個地方冇飯食，就周圍同人講有，呃晒所有人白行一趟，絕對唔會傷人。如果係咁，佢認為要教番啲小朋友唔係乜都可以玩，萬一有啲公公婆婆坐咗落去，後果可以好嚴重(口架))！
區宇凡就話試過有啲公共交通工具嘅座位好污糟，仲話如果係飛機就特別麻煩，因為個位唔係話轉就轉，只好叫工作人員嚟清潔，蔡榮星都話試過，好彩未至於污糟到不堪入目，但就話試過一次就冇第二次，下次就會幫襯第二間航空公司咁話。