香港樓價高企，小市民難以負擔高樓價，難買安樂窩。政府推出六招房策，外界就批評政府的招數無增加房屋供應，亦無助壓抑樓價。運輸及房屋局局長陳帆尋日接受電台訪問時話，政策並唔係針對壓抑樓價，仲話批評係有啲「失焦」，又話要增加房屋供應，就一定要有地先，叫市民聚焦討論下土地供應，又話如有土地，政府係有決心增加公屋同資助房屋，仲提到填海可以大量造地喎，真係句句「廢府」之言，小市民真係要自求多福。
