政情：黃梓謙入兒童事務委員會借運動關注家暴
為照顧更多兒童權益，政府喺今個月初成立咗兒童事務委員會，其中凝動香港運動基金創辦人黃梓謙榜上有名，成為外界嘅焦點之一，因為佢表面上冇直接同兒童相關嘅公職，今次獲邀加入兒童事務委員會有啲令人意外。佢解釋，其實凝動香港運動基金自二○一二年成立以嚟，就係一個服務兒童嘅組織，所以佢已經服務咗兒童成六年o架喇！
助學習面對逆境
黃梓謙又話，雖然運動基金原則上係為十八歲或以下嘅運動員提供訓練，但實際上係十四歲或以下嘅學生佔大多數，而當中仲包括學習障礙、少數族裔嘅學生，而兒童事務委員會嘅服務對象同運動基金完全一致，估計呢個係獲邀加入嘅原因之一。
佢仲話嚟緊會喺委員會關心多啲受家暴影響成長嘅兒童，佢指運動訓練有助兒童學習面對逆境，相信佢嘅經驗能夠發揮一定作用。