仲記得環境局副局長謝展寰早前喺立法會回應議員質詢時，因為一句計劃研究規管即棄膠餐具，畀班議員鬧爆，代局長黃錦星受靶。點知相隔一個禮拜，黃錦星尋日就話政府今個立法年度會就相關議題展開研究，仲會參考外國做法同本地情況，制訂適用於香港嘅措施。係咪咁蹺呀？有時間表嘅話，黃錦星點解唔早啲拎出嚟，咁謝展寰就唔使變箭豬喇，抑或佢驚之後好似謝展寰咁慘，所以急急補鑊呀？
