話說勞工顧問委員會上周開會，勞資雙方就取消強積金對沖達成共識，並要求政府交出新方案，當時資方代表郭振華就話五大商會期望政府長期協助企業，點知由逾百個中小企組成嘅商會尋日提出反對，批評五大商會將政府補貼應由永久變成長期，又質疑五大商會未諮詢中小企商會就急轉軚，立場偏幫政府。話時話，呢頭勞顧會展示團結，嗰頭商界就爆分裂，唔知郭振華點撲火呢？
