每個男人對女性嘅品味都唔同，有啲鍾意成熟嘅女性，有啲則傾心萌系可愛少女，然而兩者係咪一定對等嘅呢？南韓模特兒崔韓嬪就話畀大家知，兩者不但無任何衝突之餘，若然糅合為一嘅話，就能夠帶畀人一種新鮮感。
想喺南韓成為一位人氣模特兒，單憑樣靚身材正係唔夠嘅，最重要係有與別不同嘅氣質，先至可以脫穎而出。就咁講氣質未免有啲空泛，大家只要睇吓崔韓嬪就自然會明白箇中嘅意思。喺南韓首爾出生嘅崔韓嬪，自細夢想從事模特兒工作，不過佢唔係想做模特兒，而係希望能夠成為一位出色嘅模特兒經理人，因此佢讀大學時修讀市場學及營銷學，而喺一次偶然機會下，佢透過朋友介紹認識咗一位模特兒經理人，對方表示如果想成為一位全能經理人，首先要從模特兒工作做起，就係咁佢開始咗模特兒嘅事業。
最初崔韓嬪兼職做攝影模特兒，慢慢佢愈嚟愈鍾意呢份工作，好享受喺鏡頭前表現自己，而憑住萌系嘅外形，好快喺攝影模特兒界打響名堂，於是喺2012年索性轉做職業模特兒，以可愛嘅萌系魅力，喺各類型嘅雜誌上登場，之後佢以車模身份喺釜山國際汽車展上演出，不過汽車品牌希望車模以成熟形象示人，結果佢化身成為一位迷人熟女亮相，起初佢擔心呢個形象唔適合自己，幸好獲得一致好評，更大讚佢充滿女人味，自此以後佢便經常以成熟形象演出，同時又會繼續散發可愛萌味，帶畀粉絲唔同嘅感覺。
崔韓嬪成功進軍車模界之後，再踩入賽車女郎界發展，以低胸衫加迷你裙登場，如此性感造型，令人有驚為天人嘅感覺，事關佢一直以嚟都冇刻意展露身材，突然谷出一條深長嘅事業線示人，呢個時候大家至發現，原來呢位既有萌系可愛味道，同時又有女人味嘅索模，身材原來相當有睇頭。自此之後，崔韓嬪嘅人氣愈嚟愈高，更獲得賽車隊伍嘅青睞，搵佢成為車隊嘅專屬賽車女郎，事業發展一帆風順。雖然工作量多，曝光率亦非常高，但係崔韓嬪冇因為工作壓力而令健康出現問題，究竟佢有乜嘢方法令自己可以身心獲得平衡呢？崔韓嬪表示令緊張嘅心情獲得放鬆嘅秘訣，就係「速度」兩個字。大家咪睇阿妹萌得嚟又斯文又有女人味，原來佢嘅興趣相當刺激，賽車、滑雪、跳傘、滑水等運動都係佢嘅最愛，佢表示呢啲高速嘅運動，令佢獲得異常嘅快感，而極速感覺更可以紓緩工作壓力，並且讓佢忘記工作上嘅不快。不過崔韓嬪就話唔鍾意玩機動遊戲，因為機動遊戲並唔能夠由自己操控方向同速度，只係被動地受到機動遊戲嘅擺布，因此呢種玩法並唔係佢杯茶。
簡介：崔韓嬪憑住萌味及女人味呢兩種魅力，令人着迷不已，其實佢嘅身材亦相當有睇頭，尤其係激凸嘅上圍，輕易吸引男士嘅眼球。如果大家想了解佢多啲，就要Click入呢個網站喇！
網址：http://cafe.daum.net/hanbit-seo
出生地：首爾
身高：170cm
三圍：33-23-33
撰文：魂