政情：為車公靈籤頻撲 莫錦貴錯過會議

莫錦貴話會議前喺鄉議局大樓附近為一活動擔任主禮嘉賓，儀式完就立即趕回鄉議局，點都估唔到會議竟然會喺一個鐘頭內結束，直言咁多年都未試過咁高效率。

佢更透露，當日早上仲去咗轉粉嶺，因為佢早前為大年初二掉轉車公靈籤一事問過廣東真步堂第三代傳人蔡伯勵，對方建議佢搵番道教人士處理，所以佢最終搵咗蓬瀛仙館。而會面上就討論過點樣拜車公先啱，而討論過後，就暫定咗下月會再去車公廟實地再做一次預演。

雖然莫錦貴錯過咗會議，但遲到好過冇到，而且佢都係為咗正經事，相信冇人會怪佢嘅。