立法會周三及周四審議《廣深港高鐵（一地兩檢）條例草案》，為通過呢條重要法案，建制派都坐定定、個個投贊成票。不過，民建聯議員蔣麗芸（Ann）竟然喺關鍵時刻失蹤冇投票，佢事後解釋因為食咗感冒藥，喺立法會辦公室嘅梳化瞌着咗，仲話投唔到票覺得好遺憾喎。雖然該黨都冇打算追究阿Ann，但會否追究吓點解冇人叫醒Ann投票呢？況且表決唔係突然發生，據講連立法會保安員都知議員將發言完畢就快要表決，但該黨竟然無人召喚所有議員投票？
