橋本真帆甜美風騷

綺麗姐姐

日本寫真界有好多女優都有自知之明，知道自己身材火辣，但係美貌未必堪稱美人，但係佢哋並冇放棄奮鬥之心，因為佢哋唔少都以「情色姐姐」壇蜜為奮鬥對象，認為自己就算外表美中不足，亦可以好似壇蜜咁用挑逗性極強嘅寫真演出而上位，甚至殺入藝能界搵食。另外，亦有好多寫真女郎則以當紅女星，有「美國人最喜歡的日本第一純情美少女」之稱嘅佐佐木希為目標，當然要成為第二個佐佐木希就梗係要夠靚女至得啦，就好似橋本真帆咁。

帆妹生得一副美人胚子，氣質綺麗嘅姊系面孔同時又具有一種活潑少女嘅甜美精靈特質，兩者都係吸引男人嘅「利器」，如今兩者集於一身，對於廣大宅男可以話極具吸引力，小弟當然亦包括在內啦！身材方面亦賣點十足，一來夠晒高挑，二來肌膚夠晒雪白滑溜，三來胴體凹凸有致，四來真帆喺寫真演出當中擅長擺出各種凸顯美態嘅動作，帶出令男人神魂顛倒嘅騷味，想迷死人咩！

決定封胸

橋本真帆出道於2011年，當時真帆就讀安田女子短期大學秘書科，因為美貌吸引又好身材，所以喺參加校園女王小姐比賽時嶄露頭角，雖然最後一個獎都冇，但係同年真帆參加選美活動「Gal Con」就奪得亞軍，之後被藝能事務所睇中，簽為旗下藝人。出道之後，真帆作多線發展，除咗拍寫真之外，亦做過天氣女郎及主持，因為氣質綺麗又具知性美，所以被稱為佐佐木希接班人。真帆拍出嚟嘅寫真的確係做到風情萬種，盡現誘人嘅甜美同騷味，不過真帆相隔兩年幾後再推出寫真映像作品，於宣傳嘅時候就表示以後將會封胸唔再拍性感寫真，原因係希望專注做主持及演員。另一方面，真帆早年擔任麻雀遊戲《世嘉NET麻將 MJ》嘅代言女郎之時，對麻雀生起極濃厚嘅興趣，所以話唔定會學寫真妹篠篠原冴美同高宮麻里咁做職業打雀選手，當然大家希望真帆唔好企硬唔再拍寫真啦！

社交網站

簡介：橋本真帆雖然唔係成日喺社交網發表新動向，但係每次發表都係重要事情，留意住就唔會錯過真帆嘅最新情報喇。

網址：https://twitter.com/mahomaho_14

橋本真帆Profile

年齡：25歲

身高：5呎5吋

三圍：33-23-34

撰文：賢