勞顧會尋日達成共識，只係話唔反對取消強積金對沖，但係就促請政府盡快提交新方案。雖然喺呢個取消對沖呢個問題上，商界好似讓咗一步，但係勞顧會商界代表都講到明，最主要係話五大商會期望政府長期協助企業，長期資助年期未有定論，要視乎政府嘅新方案係點。換言之，商界仲未收貨，繼續向勞工及福利局局長羅致光（抓）多啲着數，咁搞法，即係仲有排拉鋸，唔知幾時先實施得到？
