廣深港高鐵香港段試運行期間出現車輪「出軌」、隧道漏水等，而港鐵沙中線工程亦爆出紅磡站疑月台鋼筋造假醜聞。立法會鐵路事宜小組委員會尋日開會傾高鐵同沙中線工程最新進展，但主責嘅運輸及房屋局局長陳帆、副局長蘇偉文竟然冇打算出席交代，要小組委員會主席田北辰打電話畀陳帆，陳帆先肯中途加入開會。高鐵同沙中線連環出事，陳帆仲要唔畀人捉住，都唔到立法會交代，真係好似啲議員鬧佢咁，「不知所謂」囉！
